阿成溝女 無從入手

阿成三十幾歲人，對上一次（也是唯一一次）談戀愛，已是8年前了，4年前結束。這些年來，對女這樣野只可望而不可及，見到好野都唔敢埋去（我有自知之明的）；有扒類自投羅網，又嫌三嫌四。正一係高不成低不就，真係抵你死。

前排撞返個唔新唔舊的女仔friend，傾幾句，就係咁中左招。See? 阿成做咩都慢人幾拍，之前識人時又話無feel，兩年後撞返先黎料。咁就約下食飯啦，好平常咋，係咪？又OK喎！

好啦，知道人地就快生日，諗爆頭先決定買隻CD做禮物（唔好話行貨，阿成認為隻CD好特別架，Cat Power你聽過未？肯定未啦？你識鬼咩！）諗住約食飯比佢啦，點知就係呢個咁簡單的task都做唔到。

頭先打比佢，亂咁吹一輪水，到收線都無約實人食飯，仲懶型咁話「噢，等你得閒先囉，再call啦，byebye...」

Bye你個頭咩...這個型的代價實在太大，佢又忙，我又忙，都唔知下次幾時。

我阿成向來都大冽冽的，點解今次搞成咁？ 好心啦，三張幾啦，乜都應該化啦，仲係度搞埋D青春純愛派情節，呢D野唔suppose發生係港男阿成身上。

打咁多字，都唔知自己想講乜。